რუსეთის ფედერაციის საბჭომ დაამტკიცა კსდრ-სთან სტრატეგიული ხელშეკრულების რატიფიკაცია
რუსეთის პარლამენტის ზედა პალატამ, ფედერაციის საბჭომ, ოთხშაბათს დაამტკიცა რუსეთსა და კორეის სახალხო-დემოკრატიულ რესპუბლიკას შორის სტრატეგიული პარტნიორობის შეთანხმების რატიფიცირება. დოკუმენტს ორი ქვეყნის მეთაურებმა, ვლადიმირ პუტინმა და კიმ ჩენ ინმა, მიმდინარე წლის ივნისში მოაწერეს ხელი ფხენიანში პუტინის ვიზიტის დროს. შეთანხმება ითვალისწინებს სამხედრო დახმარების გაწევის შესაძლებლობას ერთ-ერთი პარტნიორი ქვეყნის ტერიტორიაზე თავდასხმის შემთხვევაში.
ცნობილია, რომ ფედერაციის საბჭომ ხელშეკრულების რატიფიცირება ერთხმად მოახდინა. დოკუმენტი მოიცავს თანამშრომლობას ისეთ სფეროებში, როგორებიცაა ტერორიზმთან ბრძოლა, ტურიზმი, ჯანდაცვა, განათლება, სოფლის მეურნეობა და ერთობლივი სამხედრო წვრთნები. თუმცა, მისი ერთ-ერთი მთავარი პუნქტია რუსეთისა და კსდრ-ის ვალდებულება, სასწრაფო სამხედრო და სხვა სახის დახმარება გასწიონ იმ შემთხვევაში, თუ ერთ-ერთ ქვეყანას თავს დაესხმიან ან ის ომის მდგომარეობაში აღმოჩნდება. აღნიშნავენ, რომ ხელშეკრულება განუსაზღვრელი ვადით მოქმედებს.
მანამდე დოკუმენტი დაამტკიცა სახელმწიფო დუმამ. ის რატიფიცირებისთვის იყო წარდგენილი სამხრეთ კორეის, დასავლეთის ქვეყნებისა და უკრაინის სადაზვერვო ანგარიშების ფონზე, რომელთა თანახმადაც, ათასობით ჩრდილოეთკორეელი ჯარისკაცი გაიგზავნა რუსეთში.
სამხრეთ კორეის, დასავლური და უკრაინის დაზვერვათა ცნობით, კსდრ-ს რუსეთში 12 ათასი ჯარისკაცის გაგზავნა შეუძლია. ისინი, სავარაუდოდ, რუსეთის მხარეს პირდაპირ ბრძოლაში მიიღებენ მონაწილეობას. მოსკოვი და ჩრდილოეთი კორეა ამაზე დეტალურ კომენტარს არ აკეთებენ.
უკრაინელი ოფიციალური პირების მითითებით, დასავლური მედია იტყობინება პირველი შეტაკებების შესახებ, რომელშიც მონაწილეობდნენ კსდრ-ის სამხედრო მოსამსახურეები რუსეთის კურსკის ოლქში. არ არსებობს დამოუკიდებელი დადასტურება საომარ მოქმედებებში უშუალოდ ჩრდილოეთკორეელი ჯარისკაცების მონაწილეობის შესახებ.
ჩრდილოეთი კორეა არის რუსეთის არმიის საარტილერიო ჭურვების ერთ-ერთი მთავარი მიმწოდებელი, იუწყება დასავლეთი და სამხრეთ კორეის დაზვერვა. ასევე გავრცელდა ინფორმაცია ტაქტიკური სარაკეტო სისტემებისა და ზამთრის სამხედრო ფორმების მოახლოებული მიწოდების შესახებ.
ჩრდილოეთი კორეა, რომელიც ავტორიტარული სახელმწიფოა, ღიად უჭერს მხარს რუსეთს უკრაინის ომში და, კერძოდ, აღიარებს რუსეთის ტერიტორიულ პრეტენზიებს უკრაინის რეგიონების მიმართ.
ცნობილია, რომ ფედერაციის საბჭომ ხელშეკრულების რატიფიცირება ერთხმად მოახდინა. დოკუმენტი მოიცავს თანამშრომლობას ისეთ სფეროებში, როგორებიცაა ტერორიზმთან ბრძოლა, ტურიზმი, ჯანდაცვა, განათლება, სოფლის მეურნეობა და ერთობლივი სამხედრო წვრთნები. თუმცა, მისი ერთ-ერთი მთავარი პუნქტია რუსეთისა და კსდრ-ის ვალდებულება, სასწრაფო სამხედრო და სხვა სახის დახმარება გასწიონ იმ შემთხვევაში, თუ ერთ-ერთ ქვეყანას თავს დაესხმიან ან ის ომის მდგომარეობაში აღმოჩნდება. აღნიშნავენ, რომ ხელშეკრულება განუსაზღვრელი ვადით მოქმედებს.
მანამდე დოკუმენტი დაამტკიცა სახელმწიფო დუმამ. ის რატიფიცირებისთვის იყო წარდგენილი სამხრეთ კორეის, დასავლეთის ქვეყნებისა და უკრაინის სადაზვერვო ანგარიშების ფონზე, რომელთა თანახმადაც, ათასობით ჩრდილოეთკორეელი ჯარისკაცი გაიგზავნა რუსეთში.
სამხრეთ კორეის, დასავლური და უკრაინის დაზვერვათა ცნობით, კსდრ-ს რუსეთში 12 ათასი ჯარისკაცის გაგზავნა შეუძლია. ისინი, სავარაუდოდ, რუსეთის მხარეს პირდაპირ ბრძოლაში მიიღებენ მონაწილეობას. მოსკოვი და ჩრდილოეთი კორეა ამაზე დეტალურ კომენტარს არ აკეთებენ.
უკრაინელი ოფიციალური პირების მითითებით, დასავლური მედია იტყობინება პირველი შეტაკებების შესახებ, რომელშიც მონაწილეობდნენ კსდრ-ის სამხედრო მოსამსახურეები რუსეთის კურსკის ოლქში. არ არსებობს დამოუკიდებელი დადასტურება საომარ მოქმედებებში უშუალოდ ჩრდილოეთკორეელი ჯარისკაცების მონაწილეობის შესახებ.
ჩრდილოეთი კორეა არის რუსეთის არმიის საარტილერიო ჭურვების ერთ-ერთი მთავარი მიმწოდებელი, იუწყება დასავლეთი და სამხრეთ კორეის დაზვერვა. ასევე გავრცელდა ინფორმაცია ტაქტიკური სარაკეტო სისტემებისა და ზამთრის სამხედრო ფორმების მოახლოებული მიწოდების შესახებ.
ჩრდილოეთი კორეა, რომელიც ავტორიტარული სახელმწიფოა, ღიად უჭერს მხარს რუსეთს უკრაინის ომში და, კერძოდ, აღიარებს რუსეთის ტერიტორიულ პრეტენზიებს უკრაინის რეგიონების მიმართ.