„ჩემი ხმა“: მტკიცებულებები ადასტურებს, რომ მოქმედებდა ორგანიზებული გაყალბების სქემა

სადამკვირვებლო ორგანიზაციების კოალიცია „ჩემი ხმა“ აცხადებს, რომ 2024 წლის 26 ოქტომბრის არჩევნების „მასშტაბური გაყალბების ძირითადი სქემა იდენტიფიცირებულია“, რაც დასტურდება ფოტო, ვიდეო და აუდიომასალებით. კოალიციის ერთ-ერთმა წარმომადგენელმა ლონდა თოლორაიამ ბრიფინგზე თქვა, რომ არჩევნების დღეს "ჩემი ხმის" დამკვირვებლებმა 1131 უბნიდან მათ საარჩევნო პროცედურების დარღვევის 900-ზე მეტ შემთხვევაზე აცნობეს.