ილჰამ ალიევმა ირაკლი კობახიძეს არჩევნებზე „ქართული ოცნების“ გამარჯვება მიულოცა
აზერბაიჯანის პრეზიდენტმა ილჰამ ალიევმა საქართველოს პრემიერ-მინისტრს, ირაკლი კობახიძეს, საპარლამენტო არჩევნებში „ქართული ოცნების“ გამარჯვება მიულოცა.
აზერბაიჯანის პრეზიდენტის ოფიციალურ ვებსაიტზე გამოქვეყნებულ განცხადებაში ვკითხულობთ, რომ შედეგები მოემსახურება საქართველოს განვითარებას.
„ამ არჩევნებზე საქართველოს მოქალაქეებმა გამოხატეს მხარდაჭერა განვითარების, სტაბილურობისა და ტრადიციული ღირებულებების მიმართ. მჯერა, რომ არჩევნების შედეგები მოემსახურება საქართველოს ყოვლისმომცველ განვითარებასა და აყვავებას.
ამავე დროს, დარწმუნებული ვარ, რომ არჩევნების შედეგები ხელს შეუწყობს აზერბაიჯან-საქართველოს სახელმწიფოთაშორისი ურთიერთობების მდგრად განვითარებას, რომელიც იქნება ნაკარნახევი ჩვენი ერების ნებით, რომლებიც ისტორიულად ცხოვრობენ მეგობრულ გარემოში, მეგობრულად და კეთილმეზობლურად და სამომავლოდ ჩვენი ქვეყნების პოზიციების განმტკიცებით სამხრეთ კავკასიასა და უფრო ფართო გეოგრაფიულ არეალში“, - აცხადებს ილჰამ ალიევი.
აზერბაიჯანის პრეზიდენტმა საქართველოს პრემიერ-მინისტრი ოფიციალური ვიზიტით მიიწვია.
„ჩვენი პოლიტიკური დიალოგის გასაგრძელებლად, თქვენთვის მოსახერხებელ დროს აზერბაიჯანში გიწვევთ ოფიციალური ვიზიტით“, - წერს ის.
ალიევი აცხადებს, რომ დარწმუნებულია, აზერბაიჯანი და საქართველო გააგრძელებენ ერთობლივ ძალისხმევას სტრატეგიული პარტნიორობის განმტკიცების მიმართულებით.
ცესკოს წინასწარი მონაცემებით, 26 ოქტომბრის საპარლამენტო არჩევნებში მმართველი პარტია „ქართული ოცნება“ 54,086%-ით ლიდერობს. ოპოზიციიდან ხმების ყველაზე მეტი რაოდენობა მოიპოვა „კოალიციამ ცვლილებისთვის“ – 10,923%. ცენტრალურ საარჩევნო კომისიას გამოქვეყნებული აქვს 3 111 საარჩევნო უბნიდან 3100 უბნის (99,646%) წინასწარი შედეგები.
არჩევნების წინასწარ შედეგებს არ აღიარებს "ერთიანობა - ნაციონალური მოძრაობა".
პარტიის, „საქართველოსთვის“ ლიდერი გიორგი გახარია აცხადებს, რომ „ქართულმა ოცნებამ“ საქართველოს მოქალაქეების ნებაზე იძალადა და არჩევნების გამოქვეყნებული შედეგები არ ასახავს ქართველი ხალხის ნებას.
კოალიცია "ძლიერი საქართველოს" ლიდერების განცხადებით, ისინი არ აპირებენ არჩევნების გამოცხადებულ შედეგებთან შეგუებას.
საქართველოს პრემიერ-მინისტრი ირაკლი კობახიძე აცხადებს, რომ მიუხედავად ოპოზიციური პარტიების განცხადებისა, რომ არ აღიარებენ არჩევნების შედეგებს, პარლამენტის პირველი სხდომა ჩვეულებრივ რეჟიმში შედგება, დამტკიცდება მთავრობაც.
საპარლამენტო არჩევნების წინასწარ შედეგებს არ აღიარებს "ერთიანობა - ნაციონალური მოძრაობაც".
აზერბაიჯანის პრეზიდენტის ოფიციალურ ვებსაიტზე გამოქვეყნებულ განცხადებაში ვკითხულობთ, რომ შედეგები მოემსახურება საქართველოს განვითარებას.
„ამ არჩევნებზე საქართველოს მოქალაქეებმა გამოხატეს მხარდაჭერა განვითარების, სტაბილურობისა და ტრადიციული ღირებულებების მიმართ. მჯერა, რომ არჩევნების შედეგები მოემსახურება საქართველოს ყოვლისმომცველ განვითარებასა და აყვავებას.
ამავე დროს, დარწმუნებული ვარ, რომ არჩევნების შედეგები ხელს შეუწყობს აზერბაიჯან-საქართველოს სახელმწიფოთაშორისი ურთიერთობების მდგრად განვითარებას, რომელიც იქნება ნაკარნახევი ჩვენი ერების ნებით, რომლებიც ისტორიულად ცხოვრობენ მეგობრულ გარემოში, მეგობრულად და კეთილმეზობლურად და სამომავლოდ ჩვენი ქვეყნების პოზიციების განმტკიცებით სამხრეთ კავკასიასა და უფრო ფართო გეოგრაფიულ არეალში“, - აცხადებს ილჰამ ალიევი.
აზერბაიჯანის პრეზიდენტმა საქართველოს პრემიერ-მინისტრი ოფიციალური ვიზიტით მიიწვია.
„ჩვენი პოლიტიკური დიალოგის გასაგრძელებლად, თქვენთვის მოსახერხებელ დროს აზერბაიჯანში გიწვევთ ოფიციალური ვიზიტით“, - წერს ის.
ალიევი აცხადებს, რომ დარწმუნებულია, აზერბაიჯანი და საქართველო გააგრძელებენ ერთობლივ ძალისხმევას სტრატეგიული პარტნიორობის განმტკიცების მიმართულებით.
ცესკოს წინასწარი მონაცემებით, 26 ოქტომბრის საპარლამენტო არჩევნებში მმართველი პარტია „ქართული ოცნება“ 54,086%-ით ლიდერობს. ოპოზიციიდან ხმების ყველაზე მეტი რაოდენობა მოიპოვა „კოალიციამ ცვლილებისთვის“ – 10,923%. ცენტრალურ საარჩევნო კომისიას გამოქვეყნებული აქვს 3 111 საარჩევნო უბნიდან 3100 უბნის (99,646%) წინასწარი შედეგები.
არჩევნების წინასწარ შედეგებს არ აღიარებს "ერთიანობა - ნაციონალური მოძრაობა".
პარტიის, „საქართველოსთვის“ ლიდერი გიორგი გახარია აცხადებს, რომ „ქართულმა ოცნებამ“ საქართველოს მოქალაქეების ნებაზე იძალადა და არჩევნების გამოქვეყნებული შედეგები არ ასახავს ქართველი ხალხის ნებას.
კოალიცია "ძლიერი საქართველოს" ლიდერების განცხადებით, ისინი არ აპირებენ არჩევნების გამოცხადებულ შედეგებთან შეგუებას.
საქართველოს პრემიერ-მინისტრი ირაკლი კობახიძე აცხადებს, რომ მიუხედავად ოპოზიციური პარტიების განცხადებისა, რომ არ აღიარებენ არჩევნების შედეგებს, პარლამენტის პირველი სხდომა ჩვეულებრივ რეჟიმში შედგება, დამტკიცდება მთავრობაც.
საპარლამენტო არჩევნების წინასწარ შედეგებს არ აღიარებს "ერთიანობა - ნაციონალური მოძრაობაც".