ღაზის ჯანდაცვის სამინისტროს თქმით, ისრაელმა საავადმყოფო დაბომბა ბეით-ლაჰიაში
რადიკალური პალესტინური დაჯგუფება ჰამასის კონტროლქვეშ მყოფი ღაზის სექტორის ჯანდაცვის სფეროს ოფიციალური პირები აცხადებენ, რომ შაბათს გამთენიისას ისრაელის სამხედროებმა ალყა შემოარტყეს და ცეცხლი გაუხსნეს ინდონეზიის საავადმყოფოს ქალაქ ბეით-ლაჰიაში, პალესტინის ტერიტორიის ჩრდილოეთ ნაწილში. ჰამასი შეერთებულ შტატებსა და ევროკავშირში ტერორისტულ ორგანიზაციად არის აღიარებული.
სამედიცინო დაწესებულების ხელმძღვანელმა მარვან სულთანმა განაცხადა, რომ საავადმყოფო ელექტროენერგიის გარეშეა დარჩენილი. ღაზის ჯანდაცვის სამინისტრომ აღნიშნა „სერიოზული რისკები სამედიცინო პერსონალისა და პაციენტებისთვის“. შეტყობინებაში ნათქვამია, რომ დარტყმები განხორციელდა ზედა სართულებზე, სადაც თანამშრომლების გარდა „40-ზე მეტი პაციენტი“ იყო. ინტენსიურმა სროლამ პანიკა გამოიწვია.
ღაზის სამოქალაქო თავდაცვის სამმართველომ თავის მხრივ განაცხადა, რომ პარასკევს საღამოს მეზობელ ქალაქ ჯაბალიაში ისრაელის თავდასხმას 33 ადამიანი ემსხვერპლა.
ისრაელის სამხედროების მიერ შაბათს დილით გავრცელებულ ცნობაში ნათქვამია, რომ ჯაბალიის რაიონში ისრაელის თავდაცვის არმიის ჯარებმა „რამდენიმე ტერორისტი გაანადგურეს ახლო შეტაკებებისა და საჰაერო დარტყმების დროს“.
მიმდინარე თვის დასაწყისში ისრაელმა დაიწყო ახალი შეტევა ღაზის სექტორის ჩრდილოეთ ნაწილში და განაცხადა, რომ მათი სამიზნეა ჰამასის მებრძოლები. ისრაელის არმიამ აღნიშნა, რომ სამხედროებმა რეგიონში აღმოაჩინეს შეიარაღებული ჯიჰადისტები და მათი ინფრასტრუქტურა და რომ პალესტინური დაჯგუფება ჯაბალიის რაიონში თავისი ოპერატიული პოტენციალის აღდგენას ცდილობს. ისრაელის თავდაცვის არმიის ცნობით, მისმა ავიაციამ შეუტია ჰამასის ათეულობით ობიექტს, მათ შორის იარაღის საწყობებს, მიწისქვეშა და სხვა ობიექტებს.
ისრაელის თავდაცვის არმიის ახალი ოპერაცია დაიწყო გასული წლის 7 ოქტომბერს სამხრეთ ისრაელზე ჰამასის თავდასხმის წლისთავამდე ცოტა ხნით ადრე. 2023 წლის 7 ოქტომბერს ჯიჰადისტების თავდასხმის მსხვერპლი გახდა 1200-ზე მეტი ადამიანი. დაახლოებით 250 ადამიანი მძევლად აიყვანეს და ღაზაში გადაიყვანეს.
შარშან ოქტომბერში ისრაელზე ჰამასის თავდასხმის შემდეგ ისრაელმა ფართო მასშტაბის სამხედრო ოპერაცია წამოიწყო ღაზაში. ღაზის ჯანდაცვის სამინისტროს თანახმად, ისრაელის იერიშის შედეგად უკანასკნელი ერთი წლის განმავლობაში დაიღუპა 42 ათასზე მეტი პალესტინელი, ძირითადად - ქალები და ბავშვები.
სამედიცინო დაწესებულების ხელმძღვანელმა მარვან სულთანმა განაცხადა, რომ საავადმყოფო ელექტროენერგიის გარეშეა დარჩენილი. ღაზის ჯანდაცვის სამინისტრომ აღნიშნა „სერიოზული რისკები სამედიცინო პერსონალისა და პაციენტებისთვის“. შეტყობინებაში ნათქვამია, რომ დარტყმები განხორციელდა ზედა სართულებზე, სადაც თანამშრომლების გარდა „40-ზე მეტი პაციენტი“ იყო. ინტენსიურმა სროლამ პანიკა გამოიწვია.
ღაზის სამოქალაქო თავდაცვის სამმართველომ თავის მხრივ განაცხადა, რომ პარასკევს საღამოს მეზობელ ქალაქ ჯაბალიაში ისრაელის თავდასხმას 33 ადამიანი ემსხვერპლა.
ისრაელის სამხედროების მიერ შაბათს დილით გავრცელებულ ცნობაში ნათქვამია, რომ ჯაბალიის რაიონში ისრაელის თავდაცვის არმიის ჯარებმა „რამდენიმე ტერორისტი გაანადგურეს ახლო შეტაკებებისა და საჰაერო დარტყმების დროს“.
მიმდინარე თვის დასაწყისში ისრაელმა დაიწყო ახალი შეტევა ღაზის სექტორის ჩრდილოეთ ნაწილში და განაცხადა, რომ მათი სამიზნეა ჰამასის მებრძოლები. ისრაელის არმიამ აღნიშნა, რომ სამხედროებმა რეგიონში აღმოაჩინეს შეიარაღებული ჯიჰადისტები და მათი ინფრასტრუქტურა და რომ პალესტინური დაჯგუფება ჯაბალიის რაიონში თავისი ოპერატიული პოტენციალის აღდგენას ცდილობს. ისრაელის თავდაცვის არმიის ცნობით, მისმა ავიაციამ შეუტია ჰამასის ათეულობით ობიექტს, მათ შორის იარაღის საწყობებს, მიწისქვეშა და სხვა ობიექტებს.
ისრაელის თავდაცვის არმიის ახალი ოპერაცია დაიწყო გასული წლის 7 ოქტომბერს სამხრეთ ისრაელზე ჰამასის თავდასხმის წლისთავამდე ცოტა ხნით ადრე. 2023 წლის 7 ოქტომბერს ჯიჰადისტების თავდასხმის მსხვერპლი გახდა 1200-ზე მეტი ადამიანი. დაახლოებით 250 ადამიანი მძევლად აიყვანეს და ღაზაში გადაიყვანეს.
შარშან ოქტომბერში ისრაელზე ჰამასის თავდასხმის შემდეგ ისრაელმა ფართო მასშტაბის სამხედრო ოპერაცია წამოიწყო ღაზაში. ღაზის ჯანდაცვის სამინისტროს თანახმად, ისრაელის იერიშის შედეგად უკანასკნელი ერთი წლის განმავლობაში დაიღუპა 42 ათასზე მეტი პალესტინელი, ძირითადად - ქალები და ბავშვები.