ამერიკელმა სამხედროებმა ჰუთების ობიექტებს პირველად შეუტიეს B-2 ტიპის ბომბდამშენებით
ამერიკის შეერთებული შტატების შეიარაღებული ძალების სამხედროებმა B-2 ტიპის ბომბდამშენებიდან დაარტყეს იემენში, მეამბოხე ჰუთების მიერ კონტროლირებულ რაიონებში მდებარე ობიექტებს.
ტელეკომპანია CNN-ის ცნობით, ეს პირველი შემთხვევაა, როცა შეერთებულმა შტატებმა ჰუთების წინააღმდეგ გამოიყენა B-2 ტიპის ბომბდამშენები. მანამდე იემენში მოქმედი მეამბოხეების საწინააღმდეგო სამხედრო ოპერაციაში გამანადგურებლები მონაწილეობდნენ.
შეერთებული შტატების თავდაცვის მინისტრ ლოიდ ოსტინის ინფორმაციით, სამიზნე იყო ხუთი მიწისქვეშა საცავი, სადაც ჰუთები ინახავდნენ იარაღს სამოქალაქო და სამხედრო გემებზე თავდასხმებისთვის. ამერიკელმა სამხედროებმა ჰუთების ეს ობიექტები 16 ოქტომბერს დაბომბეს.
ოსტინის განცხადებით, ეს იყო უნიკალური დემონსტრირება შეერთებული შტატების შესაძლებლობის, მიუხედავად მიწისქვეშ სიღრმის და დაცულობისა, იერიში მიიტანოს ობიექტებზე, რომლებიც მოწინააღმდეგის მცდელობით მიუწვდომელი უნდა იყოს.
აშშ-ის შეიარაღებული ძალების ცენტრალური სარდლობის ინფორმაციით, დარტყმების სამიზნე მიწისქვეშა ობიექტებში ჰუთები ინახავდნენ რაკეტებს, იარაღის კომპონენტებს და სხვა საბრძოლო მასალებს, რომლებსაც წითელ ზღვასა და ადენის სრუტეში სამხედრო და სამოქალაქო გემებზე თავდასხმებისთვის იყენებდნენ. სარდლობის თანახმად, საბრძოლო ზიანის შეფასება გრძელდება. წინასწარი მონაცემებით, სამოქალაქო მოსახლეობაში მსხვერპლი არ არის.
თავდაცვის მინისტრ ლოიდ ოსტინის განცხადებით, შეერთებული შტატები ყოველთვის უყოყმანოდ იმოქმედებს ამერიკელების სიცოცხლისა და საკუთრების დასაცავად, პარტნიორი ქვეყნების მოქალაქეებზე თავდასხმების აღსაკვეთად და თავისუფალი და უსაფრთხო ნაოსნობის უზრუნველსაყოფად.
ოსტინის თანახმად, აშშ ჰუთებს ისევ განუმარტავს, რომ მათ უკანონო და უგუნურ თავდასხმებს შედეგები მოჰყვება.
ირანის მიერ მხარდაჭერილი ჰუთების შიიტური გასამხედროებული დაჯგუფება, რომელიც თავს „ანსარ ალაჰს“ უწოდებს, წითელ ზღვაში სხვადასხვა ქვეყნის გემებს დრონებით და რაკეტებით თავს ესხმის 2023 წლის ნოემბრიდან, ისრაელსა და პალესტინელთა რადიკალურ ისლამისტურ მოძრაობა ჰამასს შორის ომის დაწყების შემდეგ.
ჰუთები, რომლებიც იემენის ტერიტორიის მნიშვნელოვან ნაწილს, მათ შორის დედაქალაქ სანას აკონტროლებენ, მტრად მიიჩნევენ ისრაელს, აშშ-ს და საუდის არაბეთს და აცხადებენ, რომ გემებზე თავდასხმები გაგრძელდება, სანამ ისრაელი ომს არ შეწყვეტს. ჰუთების წინააღმდეგ მოქმედებს საერთაშორისო კოალიცია, რომელსაც აშშ ხელმძღვანელობს.
2024 წლის სექტემბერში ჰუთებმა გამოაცხადეს, რომ ოცამდე ბალისტიკური და ფრთოსანი რაკეტით და დრონებით შეუტიეს ამერიკულ სამხედრო გემებს. პენტაგონის ინფორმაციით, არცერთი გემი არ დაზიანებულა და არავინ დაშავებულა.
სექტემბერსა და ოქტომბერში ჰუთებმა ლიბანური რადიკალური დაჯგუფება ჰეზბოლას მხარდასაჭერად სცადეს ისრაელზე რაკეტით და დრონებით შეტევა.
ტელეკომპანია CNN-ის ცნობით, ეს პირველი შემთხვევაა, როცა შეერთებულმა შტატებმა ჰუთების წინააღმდეგ გამოიყენა B-2 ტიპის ბომბდამშენები. მანამდე იემენში მოქმედი მეამბოხეების საწინააღმდეგო სამხედრო ოპერაციაში გამანადგურებლები მონაწილეობდნენ.
შეერთებული შტატების თავდაცვის მინისტრ ლოიდ ოსტინის ინფორმაციით, სამიზნე იყო ხუთი მიწისქვეშა საცავი, სადაც ჰუთები ინახავდნენ იარაღს სამოქალაქო და სამხედრო გემებზე თავდასხმებისთვის. ამერიკელმა სამხედროებმა ჰუთების ეს ობიექტები 16 ოქტომბერს დაბომბეს.
ოსტინის განცხადებით, ეს იყო უნიკალური დემონსტრირება შეერთებული შტატების შესაძლებლობის, მიუხედავად მიწისქვეშ სიღრმის და დაცულობისა, იერიში მიიტანოს ობიექტებზე, რომლებიც მოწინააღმდეგის მცდელობით მიუწვდომელი უნდა იყოს.
აშშ-ის შეიარაღებული ძალების ცენტრალური სარდლობის ინფორმაციით, დარტყმების სამიზნე მიწისქვეშა ობიექტებში ჰუთები ინახავდნენ რაკეტებს, იარაღის კომპონენტებს და სხვა საბრძოლო მასალებს, რომლებსაც წითელ ზღვასა და ადენის სრუტეში სამხედრო და სამოქალაქო გემებზე თავდასხმებისთვის იყენებდნენ. სარდლობის თანახმად, საბრძოლო ზიანის შეფასება გრძელდება. წინასწარი მონაცემებით, სამოქალაქო მოსახლეობაში მსხვერპლი არ არის.
თავდაცვის მინისტრ ლოიდ ოსტინის განცხადებით, შეერთებული შტატები ყოველთვის უყოყმანოდ იმოქმედებს ამერიკელების სიცოცხლისა და საკუთრების დასაცავად, პარტნიორი ქვეყნების მოქალაქეებზე თავდასხმების აღსაკვეთად და თავისუფალი და უსაფრთხო ნაოსნობის უზრუნველსაყოფად.
ოსტინის თანახმად, აშშ ჰუთებს ისევ განუმარტავს, რომ მათ უკანონო და უგუნურ თავდასხმებს შედეგები მოჰყვება.
ირანის მიერ მხარდაჭერილი ჰუთების შიიტური გასამხედროებული დაჯგუფება, რომელიც თავს „ანსარ ალაჰს“ უწოდებს, წითელ ზღვაში სხვადასხვა ქვეყნის გემებს დრონებით და რაკეტებით თავს ესხმის 2023 წლის ნოემბრიდან, ისრაელსა და პალესტინელთა რადიკალურ ისლამისტურ მოძრაობა ჰამასს შორის ომის დაწყების შემდეგ.
ჰუთები, რომლებიც იემენის ტერიტორიის მნიშვნელოვან ნაწილს, მათ შორის დედაქალაქ სანას აკონტროლებენ, მტრად მიიჩნევენ ისრაელს, აშშ-ს და საუდის არაბეთს და აცხადებენ, რომ გემებზე თავდასხმები გაგრძელდება, სანამ ისრაელი ომს არ შეწყვეტს. ჰუთების წინააღმდეგ მოქმედებს საერთაშორისო კოალიცია, რომელსაც აშშ ხელმძღვანელობს.
2024 წლის სექტემბერში ჰუთებმა გამოაცხადეს, რომ ოცამდე ბალისტიკური და ფრთოსანი რაკეტით და დრონებით შეუტიეს ამერიკულ სამხედრო გემებს. პენტაგონის ინფორმაციით, არცერთი გემი არ დაზიანებულა და არავინ დაშავებულა.
სექტემბერსა და ოქტომბერში ჰუთებმა ლიბანური რადიკალური დაჯგუფება ჰეზბოლას მხარდასაჭერად სცადეს ისრაელზე რაკეტით და დრონებით შეტევა.