„მთავარი არხი“ დეზინფორმაციას უწოდებს თანხის უკანონო ბრუნვაზე „რუსთავი 2-ის" გავრცელებულ ინფორმაციას

„მთავარი არხი“ დეზინფორმაციას უწოდებს „რუსთავი 2-ის" გავრცელებულ ინფორმაციას, რომლის მიხედვითაც, არხზე 2019-2024 წლებში „გაურკვეველი წარმომავლობის უკანონო ნაღდი ფული“ შევიდა. „რუსთავი 2“ ეყრდნობა „მთავარი არხის“ თანადირექტორს, ზაზა ოქუაშვილის წარმომადგენელ გიორგი ქურდაძეს, რომელმაც წერილი ეროვნულ ბანკს მისწერა. წერილში ლაპარაკია 8 475 000 დოლარზე.