Թրամփը հայտարարել է, որ պատրաստ է բանակցություններ վարել Իրանի հետ որոշակի պայմաններով

ԱՄՆ նախագահ Դոնալդ Թրամփը հայտարարել է, որ պատրաստ է բանակցություններ վարել Իրանի հետ որոշակի պայմաններով։ Այդ մասին նա ասել է Fox News հեռուստաալիքին տված հարցազրույցում, գրում է Reuters-ը։

Երկուշաբթի երեկոյան տված հարցազրույցում, պատասխանելով Թեհրանի հետ հնարավոր բանակցությունների մասին հարցին, Թրամփը նշել է, որ իր տեղեկություններով՝ Իրանը շատ է ցանկանում սկսել բանակցություններ։ Սակայն նա չի հստակեցրել, թե Իրանում կոնկրետ ով է նման ցանկություն հայտնել։

Միաժամանակ Թրամփը կրկին քննադատել է Իրանի նոր գերագույն առաջնորդ Մոջթաբա Խամենեիի օրոք խաղաղության հեռանկարները՝ հայտարարելով. «Ես չեմ հավատում, որ նա կարող է ապրել խաղաղության մեջ»։

Ավելի վաղ՝ մարտի 10-ին, Իրանի արտգործնախարար Աբաս Արաղչին հայտարարել էր, որ ԱՄՆ-ի հետ երկխոսության վերսկսման հնարավորությունը չափազանց քիչ հավանական է։ Այդ մասին հաղորդել էր իրանական Tasnim գործակալությունը։

The post Թրամփը հայտարարել է, որ պատրաստ է բանակցություններ վարել Իրանի հետ որոշակի պայմաններով first appeared on MediaLab Newsroom-Laboratory.