Ինչո՞վ է սմարթֆոնը սպառնում մինչև 13 տարեկան երեխաների հոգեկան ներաշխարհին

Global Mind Project նախագծի գիտնականները հարցում են անցկացրել 163 երկրների՝ գրեթե 2 միլիոն բնակչի շրջանում։ Նրանց հարցրել են, թե ո՞ր տարիքում են ստացել իրենց առաջին սմարթֆոնը և ինչպե՞ս են գնահատում իրենց հոգեկան վիճակն այսօր։ Ըստ medspecial.ru-ի՝ բարեկեցությունը չափելու համար օգտագործվել է հատուկ թեստ՝ Հոգեկան առողջության ինդեքսը (MHQ): Այն գնահատում է էմոցիոնալ կայունությունը, մտածողության հստակությունը, շփվելու ունակությունը և ընդհանուր ինքնազգացողությունը։