«ԿԸՀ-ն իր ճաշակով է որոշելու՝ գրանցե՞լ դիտորդական կազմակերպությանը, թե՞ոչ․ սա բացարձակ կամայականություն է»․ Ավետիք Չալաբյան
0
Վաղարշապատի ընտրություններից անմիջապես առաջ ՀՀ վարչապետի պաշտոնը զբաղեցնող Նիկոլ Փաշինյանի կողմից իրականացվեց Հովհաննավանքի գրավում՝ ուժային գրավում։ Մենք այդ ուժային գրավման հետ կապված ՀՀ դատախազություն ներկայացրել ենք հաղորդում հանցագործության մասին, և դա ներկայացնելու ժամանակ ենթադրաբար ելույթներ ենք ունեցել։ Մենք անկեղծորեն հավատում էինք, որ առերևույթ հանցագործությանը համապատասխանող արարք է տեղի ունեցել։ Մենք ելույթներ ենք ունեցել դրա մասին․ դա հակաքարոզչությո՞ւն է Վաղարշապատի ընտրություններին մասնակցող ՔՊ թեկնածուի դեմ։ Մեր կարծիքով՝ հակաքարոզչություն չէ։