Ամենապարզունակ հնարքներով կարելի է պարբերաբար ներշնչել ամբոխին, բարձրացնել փողոցային պայքարի նրա ոգին․ «Հայացք Երևանից»

Վրաստանում հետընտրական կարճատեւ խմորումներից հետո, երբ թվում էր՝ հանրային հուզումների ալիքը գնում է մարման, ներքաղաքական իրավիճակը կրկին ահագնացել է: Թբիլիսին ցնցումների մեջ է: Ուսումնասիրությունների լայն դաշտ է բացվել հոգեբանների, հասարակագետների, քաղտեխնոլոգների ու մարդաբանների առջեւ, թեպետ վերջիններիս ավագ գործընկերները նման աշխատանքի գործնական փորձ բավականաչափ կուտակել են՝ կարողանալով մի շարք երկրներում ազդել մարդկանց վարքագծի եւ հոգեբանության վրա: