Մցխեթա-Ստեփանծմինդա-Լարս ճանապարհի որոշակի հատված սահմանափակվել է կցորդով և կիսակցորդով ավտոտրանսպորտի տեղաշարժի համար
Ձյան և ցածր ջերմաստիճանի պատճառով, միջազգային նշանակության (Մ-3) Մցխեթա-Ստեփանծմինդա-Լարս (դեպի Ռուսաստանի Դաշնության սահման) ավտոտրանսպորտային ճանապարհի Գուդաուրի (Փոստ)-Կոբիի հատվածում, ժամանակավորապես սահմանափակվում է կցորդով և կիսակցորդով ավտոտրանսպորտի տեղաշարժը, այլ տեսակի ավտոմեքենաների երթևեկությունն ազատ է:
Ավտոճանապարհի մյուս հատվածներում ավտոտրանսպորտային տեղաշարժն ազատ է: Այս մասին հայտնում են Վրաստանում ՀՀ դեսպանությունից: