Թրամփը Սորոսի հիմնադրամի նախկին մենեջերին ներկայացրել է ԱՄՆ ֆինանսների նախարարի պաշտոնի համար

ԱՄՆ նորընտիր նախագահ Դոնալդ Թրամփը հայտարարել է, որ Սքոթ Բեսենթին կներկայացնի Միացյալ Նահանգների 79-րդ ֆինանսների նախարարի պաշտոնում։

«Սքոթը համընդհանուր հարգանք է վայելում որպես առաջատար միջազգային ներդրողներից, աշխարհաքաղաքական և տնտեսական ստրատեգներից մեկը։ Սքոթի պատմությունը ամերիկյան երազանքի օրինակ է»,- ասել է Թրամփը։

Սքոթ Բեսենթը ամերիկացի ներդրող է, ֆիլանտրոպ և մանկավարժ, ինչպես նաեւ Key Square Group ընկերության հիմնադիրն է։

Forbes-ը հայտնում է, որ նա զբաղեցրել է գլխավոր ներդրումային տնօրենի պաշտոնը Soros Fund Management ընկերությունում։