Ամեն ինչ կանենք, որ կրկին ուրախություն պարգևենք երկրպագուներին․ Չանչարևիչ
Նոյեմբերի 16-ին Հայաստանի ազգային հավաքականը մեկնեց Ռիգա, որտեղ նոյեմբերի 17-ին ՈւԵՖԱ Ազգերի լիգայի խաղարկության վերջին՝ 6-րդ տուրի շրջանակում կմրցի Լատվիայի ընտրանու հետ:
Առաջիկա հանդիպման մասին իր կարծիքն է հայտնել Հայաստանի ազգային հավաքականի դարպասապահ Օգնյեն Չանչարևիչը։
«Բոլորը գիտեն, որ Ֆարերյան կղզիների դեմ հանդիպման պարտությունը ծանր հարված էր մեզ համար։ Բայց, մյուս կողմից, լավ է, որ Լատվիայի հետ հանդիպումը ընդամենը երեք օր անց է այդ խաղից, ամեն ինչ կանենք, որ կրկին ուրախություն պարգևենք երկրպագուներին։
Հս․Մակեդոնիայի հետ խաղերում փաստացի կորցրեցինք առաջին տեղը գրավելու հնարավորությունը։ Ֆարերների դեմ խաղում հաղթելու դեպքում ունեինք երկրորդ տեղը գրավելու հնարավորություն։ Ֆուտբոլում երբեմն այդպիսի հանդիպումներ պատահում են, վաղվա խաղում, երկրպագուների աջակցությամբ, կփորձենք հասնել հաղթանակի»,- նախախաղային մամուլի ասուլիսի ժամանակ ասել է Օգնյեն Չանչարևիչը։
Հայաստանի ազգային հավաքականի նախախաղային մարզումը կկայանա նոյեմբերի16-ին՝ ժամը 20:00-ին «Սկոնտո» մարզադաշտում: