«Պարի»-ի հայ կիսապաշտպանը ցանկանում է խաղալ Հայաստանի հավաքականում
Նիժնի-Նովգորոդի «Պարի»-ի կիսապաշտպան Վալերի Ծառուկյանը խոսել է Հայաստանի ազգային հավաքականում խաղալու ցանկության մասին: Նա խոստովանել է նաև, որ հաճելի կլիներ հրավեր ստանալ Ռուսաստանի հավաքականից։
«Ես իսկապես ցանկանում եմ իմ նորամուտս նշել ազգային հավաքականների մակարդակով: Դա կլինի Ռուսաստանը, թե Հայաստանը. իհարկե, ես հայ եմ և շատ եմ ուզում ներկայացնել իմ երկիրը։ Բայց Ռուսաստանը ևս իմ երկիրն է։
Տեսնենք, թե որ թիմից կլինի առաջարկը։ Իհարկե, լավ կլինի, եթե Կարպինը զանգի ինձ, հատկապես, եթե Ռուսաստանը վերադառնա միջազգային ասպարեզ։ Դա հիանալի կլինի»,- «Championat»-ի հետ զրույցում ասել է Վալերի Ծառուկյանը։