Հրդեհ՝ Երևանի տներից մեկում․ կրակի տարածումը կանխվել է

Այսօր՝ նոյեմբերի 13-ին, հրդեհ է տեղի ունեցել Երևանում։ Ինչպես հայտնում է Shamshyan.com-ը, ժամը 19:50-ի սահմաններում ՀՀ Ներքին գործերի նախարարության Փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ հրդեհ է բռնվել Մալաթիա-Սեբաստիա վարչական շրջանի Ոսկանյան փողոցի թիվ 109 տանը։

Մինչ հրշեջների ժամանումը կրակի տարածման դեմ պայքարել են տան տերերն ու քաղաքացիները։ Կրակի տարածումը կանխվել է։ 

Ըստ նախնական տեղեկությունների՝ հրդեհի պատճառը եղել է էլեկտրական լարերի թույլ միացումը։

Ոստիկանության Մալաթիայի բաժնում պարզվում է տանտիրոջ ինքնությունը։