Վարչապետի աշխատակազմին հատկացվող բյուջեն 2025-ին կնվազի 2,5 տոկոսով
0
Հայաստանի 2025 թվականի պետական բյուջեի նախագծով վարչապետի աշխատակազմին հատկացվող բյուջեն 2024-ի համեմատ կնվազի 2,5 տոկոսով՝ կկազմի 24 միլիարդ 365 միլիոն դրամ։ ԱԺ-ում «Հայաստանի Հանրապետության 2025 թվականի պետական բյուջեի մասին» ՀՀ օրենքի նախագծի քննարկման ժամանակ այս մասին ասաց ՀՀ ֆինանսների նախարար Վահե Հովհաննիսյանը։
«Ընդ որում՝ ընթացիկ ծախսերի համար նախատեսված է 20 միլիարդ դրամ, որը 4 տոկոսով ավելի քիչ է, քան 2024 թվականին, իսկ կապիտալ ծախսերի համար նախատեսված է 4 միլիարդ 180 միլիոն դրամ, որը 6 տոկոսով ավելի է, քան 2024 թվականին»,- նշեց Վահե Հովհաննիսյանը։
The post Վարչապետի աշխատակազմին հատկացվող բյուջեն 2025-ին կնվազի 2,5 տոկոսով first appeared on MediaLab Newsroom-Laboratory.