Մելանյա Թրամփն ամուսնու հանրահավաքի ժամանակ հայտնվել և ցնցել է հանրությանը
Նյու Յորքում ամուսնու հանրահավաքի ժամանակ Մելանյա Թրամփի հայտնվելը ցնցել է հանրությանը, հայտնում է նոր Յորք Փոստ-ը, փոխանցում է ՌԻԱ Նովոստին:
Պարբերականը նկատում է, որ ԱՄՆ նախկին առաջին տիկինը մինչ այդ պահը ոչ մի անգամ ելույթ չի ունեցել Թրամփի ընթացիկ նախընտրական քարոզարշավի ընթացքում, միայն երբեմն մասնակցել է մասնավոր միջոցառումների:
Նշվում է, որ նա նույնիսկ ելույթ չի ունեցել Փենսիլվանիայում ամուսնու դեմ մահափորձից հետո տեղի ունեցած հանրահավաքում՝ սահմանափակվելով միայն հայտարարությամբ:
Ամբոխի բացականչությունների ներքո նա խոսել է վերջին տարիներին քաղաքում կյանքի որակի անկման մասին:
«Մենք ուրախ ենք, որ իմ գեղեցկուհին միացել է մեզ», - ասել է ինքը՝ Դոնալդ Թրամփը, ով «բուռն ծափերի և ուրախության ներքո» դուրս է եկել բեմ, գրկել կնոջը և համբուրել նրա այտերը, գրում է NYP-ն։