«Ռեալ»-ում վստահ են, որ Վինիսիուսը կարժանանա «Ոսկե գնդակին»
Շաբաթ երեկոյան «Ռեալը» ուրախացրել է իր երկրպագուներին՝ արտագնա հաղթանակ տանելով «Սելտա Վիգոյի» նկատմամբ 2։1 հաշվով։ Հաղթական գոլը խփեց հարձակվող Վինիսիուս Ժունիորը, ով աչքի ընկավ 66-րդ րոպեին։
Կիրակի օրը AS-ի էջերում հոդված կար Վինիսիուսի մասին: Այնտեղ ասվում է, որ բրազիլացին շուտով պետք է ստանա «Ոսկե գնդակը», այս մասին փոխանցում է euro-football-ru-ն:
Մադրիդի «Ռեալը» վստահ է, որ Վինիսիուսը կնվաճի մրցանակը՝ այլընտրանքային տարբերակներ չտեսնելով։
«Ոսկե գնդակը» կհանձնվի երկուշաբթի՝ հոկտեմբերի 28-ին։ Ավելի վաղ մամուլն արդեն գրել էր, որ քվեարկության հաղթող է դարձել Վինիսիուսը։