Պուտինն ավելի շատ, քան որևէ ռուս քաղաքական գործիչ, հասկանում է Սերբիայի դիրքորոշումը. Վուչիչ
ՌԴ նախագահ Վլադիմիր Պուտինը հեռախոսազրույց է ունեցել Սերբիայի նախագահ Ալեքսանդր Վուչիչի հետ:
Հայտնում է Կրեմլի մամուլի ծառայությունը, փոխանցում է ՏԱՍՍ-ը:
«Վլադիմիր Պուտինը հեռախոսազրույց է ունեցել Սերբիայի Հանրապետության նախագահ Ալեքսանդր Վուչիչի հետ։
Ղեկավարները շնորհավորանքներ են փոխանակել նացիստական զավթիչներից Բելգրադի ազատագրման 80-ամյակի կապակցությամբ»,- ասվում է հաղորդագրության մեջ։
Սերբիայի նախագահ Ալեքսանդր Վուչիչը հայտարարել է, որ Ռուսաստանի առաջնորդ Վլադիմիր Պուտինի հետ հեռախոսազրույցը տեղի է ունեցել բարեկամական մթնոլորտում
«Զրույցը շատ երկար էր. մենք խոսում էինք ինչպես ընկերներ:
Պուտինը զրույցի ընթացքում երկու անգամ կրկնել է նույն արտահայտությունը՝ այն, ինչ լավ է Սերբիայի համար, լավ է Ռուսաստանի համար, այն, ինչ լավ է սերբերի համար, լավ է ռուսների համար»,- ասել է Վուչիչը։
«Մենք միշտ չէ, որ պետք է ամեն ինչի մասին նույն կերպ մտածենք, բայց Պուտինը, ավելի շատ, քան ցանկացած այլ ռուս քաղաքական գործիչ, հասկանում է Սերբիայի դիրքորոշումը և մեր իրավիճակի ծանրությունը:
Եվ սա այն ամենն է, ինչ ես կարող եմ ձեզ ասել»,- եզրափակել է Սերբիայի ղեկավարը: