Եթե հարևաններն օդային տարածք տրամադրեն Իրանի վրա հարձակման համար, մեր պատասխանն ակնհայտ կլինի. Ղալիբաֆ
Եթե հարևան պետություններն իրենց օդային տարածքը տրամադրեն Իրանի վրա հարձակումներ իրականացնելու նպատակով, Թեհրանի պատասխանն ակնհայտ կլինի. այս մասին, Tasnim գործակալության փոխանցմամբ, հայտարարել է Իրանի խորհրդարանի խոսնակ Մոհամադ Բաղեր Ղալիբաֆը:
«Իրանը բազմիցս հայտարարել է, որ հարևան երկրների օդային տարածքը չպետք է օգտագործվի Իրան ներխուժելու համար, և եթե ինչ-որ բան պատահի, ապա իրականում Իրանի պատասխանը պարզ է: Եթե Իրանի վրա հարձակում լինի որևէ կետից, պատասխան կտրվի: Համոզված ենք, որ մեր հարևանները կհարգեն դա, մենք միշտ լավ հարաբերություններ ենք ունեցել մեր հարևանների հետ», - ասել է պաշտոնյան։