Մեզ համար ԱՊՀ երկրները մեր ամենամոտ հարևաններն են, բարեկամներն ու ռազմավարական գործընկերները. Պուտինը՝ ԱՊՀ նիստի բացմանը
Անկախ Պետությունների Համագործակցության (ԱՊՀ) շրջանակում փոխգործակցությունը Ռուսաստանի Դաշնության արտաքին քաղաքականության առաջնահերթությունն է, և Մոսկվան նպատակաուղղված է նման համագործակցության ամրապնդմանը։ Այդ մասին հայտարարել է ՌԴ նախագահ Վլադիմիր Պուտինը՝ բացելով ԱՊՀ անդամ պետությունների ղեկավարների խորհրդի նիստը, գրում է ՏԱՍՍ-ը:
«Ցանկանում եմ ընդգծել, որ ԱՊՀ շրջանակում փոխգործակցությունը Ռուսաստանի Դաշնության արտաքին քաղաքականության հիմնական առաջնահերթություններից է: Մեզ համար ԱՊՀ երկրները մեր ամենամոտ հարևաններն են, բարեկամներն ու ռազմավարական գործընկերները։ Մենք, բնականաբար, հավատարիմ ենք ամեն կերպ ամրապնդելու մեր համագործակցությունը»,- ընդգծել է ՌԴ ղեկավարը՝ նշելով, որ հենց դրան է ուղղված 2024 թվականին Ռուսաստանի Դաշնության նախագահության հայեցակարգը և համապատասխան միջոցառումների լայնածավալ ծրագիրը:
Նշենք, որ նիստին մասնակցում են նաև ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը: