Գնդակը կկարոտի քեզ, մենք` նույնպես. Մեսսին` Ինիեստային
«Ինտեր Մայամիի» արգենտինացի հարձակվող Լիոնել Մեսսին կարիերան ավարտելու կապակցությամբ դիմել է «Բարսելոնայի» և Իսպանիայի հավաքականի նախկին կիսապաշտպան Անդրես Ինիեստային։
«Ամենակախարդական ուղեկիցներից մեկը և նրանցից մեկը, ում հետ ես ամենաշատը հաճույք էի ստանում խաղալուց: Գնդակը կկարոտի քեզ, մենք` նույնպես: Մաղթում եմ քեզ ամենայն բարիք, ֆենոմեն»,- գրել է Մեսսին իր սոցցանցերից մեկում։
Անդրես Ինիեստան «Բարսելոնայի» կազմում հանդես է եկել 1996-2018 թվականներին: Այդ ընթացքում նա բոլոր մրցաշարերում մասնակցել է 674 հանդիպման` դառնալով 57 գոլի և 136 գոլային փոխանցման հեղինակ։
Իսպանիայի հավաքականի կազմում Ինիեստան երկու անգամ հաղթել է Եվրոյում և մեկ անգամ աշխարհի առաջնությունում։