Նարեկ Գրիգորյանի գոլի շնորհիվ «Ֆարուլը» ոչ ոքի խաղաց «Դինամոյի» հետ

Ռումինիայի առաջնության 12-րդ տուրի խաղում «Ֆարուլը» ոչ ոքի՝ 1-1 հաշվով ավարտեց հանդիպումը Բուխարեստի «Դինամոյի» հետ։

Տանտերերի կազմում 71-րդ րոպեին հանդիպման հաշիվը հավասարեցրեց Նարեկ Գրիգորյանը։

Սա հայ ֆուտբոլիստի 3-րդ գոլն էր ընթացիկ մրցաշրջանում։

Այս հանդիպումից հետո «Ֆարուլը» 13 միավորով զբաղեցնում է մրցաշարային աղյուսակի 12-րդ տեղը։