Հրապարակվել են Իրանի հարվածից իսրայելական ավիաբազայի կրած վնասների առաջին կադրերը (լուսանկարներ)

Իրանական լրատվամիջոցները հրապարակել են երեքշաբթի գիշերը տեղի ունեցած զանգվածային հրթիռակոծման հետևանքով Իսրայելի «Նավաթիմ» ավիաբազայի առաջին լուսանկարները՝ ցույց տալով իրանական հրթիռների հասցրած վնասի չափը:

Դրանցում հստակ երևում է, որ թիրախավորված շենքին ճշգրիտ հարված է հասցվել, գրում է Mehr գործակալությունը:

Իրանը հոկտեմբերի 1-ի երեկոյան հրթիռակոծել է Իսրայելը: Ընդհանուր առմամբ, ավելի քան 180 հրթիռ է արձակվել Իսրայելի տարածք։ Իսրայելի վարչապետ Բենիամին Նեթանյահուն Իրանի հրթիռային զանգվածային հարձակումն իր երկրի վրա որակել է «մեծ սխալ» և ասել, որ «Թեհրանը կվճարի դրա համար»: