Սաակաշվիլիի օրոք Վրաստանում իշխող «Միացյալ ազգային շարժում» կուսակցությունը Հարավային Օսիայում պատերազմ է սկսել 2008 թվականին՝ դրսից հանձնարարություն կատարելով․ Կոբախիձե
Սաակաշվիլիի օրոք Վրաստանում իշխող «Միացյալ ազգային շարժում» կուսակցությունը Հարավային Օսիայում պատերազմ է սկսել 2008 թվականին՝ դրսից հանձնարարություն կատարելով։
Այս մասին հայտարարել է Վրաստանի վարչապետ Իրակլի Կոբախիձեն, փոխանցում է ՏԱՍՍ-ը։
«Արմատական ընդդիմությանը հունից հանել է ոչ թե պատերազմ սկսելու հարցը, այլ փոխադարձ ներման և հաշտեցման թեման։
Հենց հաշտեցման, այլ ոչ թե պատերազմ սկսելու թեման է ողբերգական արմատական ընդդիմության համար»,- հայտարարել է Կոբախիձեն։
Հիշեցնենք, որ Վրաստանի իշխող ուժի առաջնորդ Բիձինա Իվանիշվիլին հայտարարել էր, որ հոկտեմբերի 26-ի խորհրդարանական ընտրություններից հետո Վրաստանն իր մեջ ուժ կգտնի ներողություն խնդրելու 2008 թվականի օգոստոսյան պատերազմի համար։