Մենք ուշադրություն չենք դարձնում մրցաշարային աղյուսակին, մենք մեծ հաղթանակ տարանք ու լավ խաղ ցուցադրեցինք․ «Բավարիայի» գլխավոր մարզիչ
Մյունխենի «Բավարիայի» գլխավոր մարզիչ Վենսան Կոմպանին մեկնաբանել է Գերմանիայի առաջնության 3-րդ տուրի «Հոլշտեյնի» հետ խաղում տարած հաղթանակը (6-1)։
«Մենք ուշադրություն չենք դարձնում մրցաշարային աղյուսակին։ Մենք մեծ հաղթանակ տարանք ու լավ խաղ ցուցադրեցինք։
Նախամրցաշրջանի հենց սկզբից մենք ճիշտ վերաբերմունք ցուցաբերեցինք։ Այսօր մենք համոզվեցինք, որ ուժեղ կազմ ունենք և պետք է շարունակենք նույն ոգով։
Իմ առաջնահերթությունը ֆուտբոլիստներն են: Այն, ինչ տեղի է ունենում ակումբի շուրջ, նշանակություն չունի: Իմ գործը թիմի հետ աշխատելն է։ Երբ մենք հաղթում ենք և լավ ենք խաղում, ես երջանիկ եմ»,- ասել է նա։