Քուվեյթի ափերի մոտ իրանական նավ է խորտակվել. կան զոհեր
Քուվեյթի տարածքային ջրերում անբարենպաստ եղանակային պայմանների պատճառով խորտակվել է իրանական նավ՝ անձնակազմի վեց անդամով։ Այս մասին հայտնում է Իսլամական հեղափոխության պահապանների կորպուսի թելեգրամյան ալիքը:
Ըստ իրազեկ աղբյուրների՝ երկու օր առաջ բեռնատար նավի նավապետը կապ է հաստատել Քուվեյթի առափնյա պահպանության ծառայության հետ և հայտնել, որ նրանք խորտակվում են եղանակային վատ պայմանների պատճառով։
Հաղորդվում է, որ անձնակազմի բոլոր վեց անդամները զոհվել են: Նրանցից երեքը իրանցիներ են, երեքը՝ հնդիկներ: Հայտնաբերվել են անձնակազմի երեք անդամների դիերը։