Էրիկ Փիլոյանը հրավիրվել է Հայաստանի հավաքական, Արտակ Դաշյանը չի մասնակցի մարզական հավաքին

Արտակ Դաշյանը չի մասնակցի Հայաստանի ազգային հավաքականի մարզական հավաքին «Նոայի» կազմում վերջին խաղում ստացած վնասվածքի պատճառով, հայտնում է ՀՖՖ մամուլի ծառայությունը։

«Ուրարտուի» պաշտպան Էրիկ Փիլոյանը հրավիրվել է Հայաստանի ազգային հավաքական:

Հայաստանի ազգային հավաքականը կսկսի նախապատրաստությունն առաջիկա հանդիպումներին սեպտեմբերի 1-ին ՀՖՖ Տեխնիկական կենտրոն/Ֆուտբոլի ակադեմիայում:

Ազգերի լիգայի առաջին հանդիպումը Հայաստանի ազգային հավաքականը կանցկացնի Երևանում սեպտեմբերի 7-ին Լատվիայի ընտրանու դեմ:

Հավաքականը երկրորդ հանդիպումը կանցկացնի Սկոպյեում սեպտեմբերի 10-ին՝ մրցելով Հյուսիսային Մակեդոնիայի դեմ: