Յորքի եվրոպական համալսարանն առաջարկում է մագիստրոսական ծրագիր. ԿԳՄՍՆ

Բրիտանական Յորքի եվրոպական կամպուս Սիթի Քոլեջը Երեւանում
կազմակերպում է հեռակա երկամյա մագիստրոսական ծրագիր վեց
ուղղություններով:Այս մասին հայտնում է ԿԳՄՍՆ:

Առաջարկվում է նաեւ մեկ կրթաթոշակային տեղ ՀՀ կրթության, գիտության,
մշակույթի եւ սպորտի նախարարությունում կամ նախարարության
ենթակայությամբ գործող կառույցներում աշխատող բարձրագույն կրթությամբ,
առնվազն երեք տարվա աշխատանքային փորձ ունեցող, 24 տարեկանից բարձր,
անգլերենի լավ կամ գերազանց իմացությամբ (TOEFL 89-90 or IELTS 6.5 or CAE (А
or B) or equivalent qualifications) աշխատակիցների համար:

Բոլոր փաստաթղթերն անհրաժեշտ է հանձնել համալսարանի երեւանյան
պաշտոնական գրասենյակ մինչեւ օգոստոսի 10-ը։

Ծրագրի եւ դիմելու կարգի վերաբերյալ մանրամասն տեղեկությունը կցվում է:
Հարցերի դեպքում զանգահարել ՀՀ ԿԳՄՍՆ արտաքին կապերի եւ սփյուռքի
վարչություն (+374 10) 599-696 հեռախոսահամարով:

The post Յորքի եվրոպական համալսարանն առաջարկում է մագիստրոսական ծրագիր. ԿԳՄՍՆ first appeared on MediaLab Newsroom-Laboratory.