Սելին Դիոնի օլիմպիական զգեստի ստեղծման համար պահանջվել է ավելի քան 1,000 ժամ
Երգչուհու ելույթը Փարիզում Օլիմպիական խաղերի բացման արարողության գլխավոր անակնկալներից էր։ Երկար ժամանակ անց կրկին Սելին Դիոնը ելույթ ունեցավ մեծ բեմում։
Հատուկ այս միջոցառման համար DIOR նորաձևության տունը շատ երկար ու մանրակրկտորեն պատրաստել էր երգչուհու բեմական զգեստը։
Այս կերպարում Դիոնը կատարել է Էդիթ Պիաֆի «Հիմն սիրո» երգը հենց Էյֆելյան աշտարակի վրա: Նորաձևության դիզայներներն ավելի քան 1000 ժամ են ծախսել շքեղ զգեստի վրա։ Հատկանշականն այն է, որ այն ամբողջությամբ պատրաստվել է ձեռքով։
Սելինը խոստովանել է, որ Օլիմպիական խաղերի բացման արարողությանը ելույթ ունենալն իր վաղեմի երազանքն էր։ Երգչուհին շնորհակալություն է հայտնել երկրպագուներին աջակցության համար և խոստացել, որ բոլոր ջանքերը կգործադրի շուտով բեմ վերադառնալու համար։