Երևան-Երասխ ճանապարհին «Toyota»-ն դուրս է եկել երթևեկելի գոտուց և կողաշրջված վիճակում հայտնվել դաշտում
Այսօր՝ մայիսի 14-ին, ավտովթար է տեղի ունեցել Արարատի մարզում։
Ժամը 13։40-ի սահմաններում Արարատի մարզի բնակիչ 53-ամյա Վ․ Բ․-ն իր վարած «Toyota» մակնիշի ավտոմեքենայով Երևան-Երասխ ավտոճանապարհին, Մրգավան գյուղի վարչական տարածքում դուրս է եկել երթևեկելի գոտուց և կողաշրջված վիճակում հայտնվել դաշտում։
Shamshyan.com-ի տեղեկություններով, վթարի հետևանքով, ըստ նախնական տեղեկությունների բարեբախտաբար տուժածներ չկան։
Վարորդ ենթարկվել է սթափության փորձաքննության, եղել է սթափ։