Мінабароны Ўкраіны адмовіла беларусцы ў грашовай дапамозе празь гібель яе сужэнца на вайне. Яна пайшла ў суд

У лютым 2022 году ўрад Украіны ўхваліў пастанову, якая рэгулюе пытаньні выплаты кампэнсацыі сваякам загінулых на вайне вайскоўцаў. Аднак дакумэнт забараняе выплачваць грошы сваякам і бацькам загінулых, калі тыя зьяўляюцца грамадзянамі Беларусі і Расеі і стала пражываюць на тэрыторыі гэтых краін.