Гімнастка Магарэвіч заваявала бронзу на этапе сусветнага Кубка выкліку ў Ташкенце

У заключны дзень спаборніцтваў Магарэвіч стала прызёрам у вольных практыкаваннях. Наша спартсменка набрала 12,200 бала і заняла трэцяе месца сярод васьмі ўдзельніц фіналу. Перамогу з рэзультатам 12,350 ачка атрымала харватка Антэа Шыкіч Каўчыч, серабро дасталася Хільдур Гудмундсдацір з Ісландыі (12,250). Яшчэ адна наша спартсменка Настасся Сманцэр размясцілася пятай (12,100).