Ətir reklamlarında əxlaqdan uzaq DAVRANIŞ: Qadınlar niyə təhqir edilir? – Rəsul Mirhəşimli yazır

Bu yaxınlarda sosial şəbəkələri reklam müstəvisi kimi seçən istifadəçilərin davranışlarında əxlaqa zidd olan çağırışlara rast gəldim. Kişi ətirlərini reklam edən satıcılar bütün etik çərçivələri aşaraq, ətirlərin keyfiyyətini “qadınları yoldan çıxarır” məzmunu ilə paylaşırdı. Ölkədə reklamla bağlı vəziyyət ürək açan deyil, lakin bu məzmun daha iyrənc mənzərə yaradır. İnsanlar ətirdən səliqəli olmaq, gigiyenik göstəricilərə əməl etmək, əhval-ruhiyyələrinə müsbət təsir etmək üçün istifadə edir. Bu reklam mövzuları hansı “ağlın” məhsuludur, onu anlamaq olmur.