Мөселман хатын-кызлары хокукларын яклый
Бүген башкалада “Мөселман хатын-кызы. Хәзерге заманда кеше хокуклары” дигән конференция эшен башлый.
Татарстан Мөслимәләр берлеге җитәкчесе Наилә Җиһаншина белдергәнчә, бу башлангычны БМО каршындагы кеше хокуклары буенча өлкән киңәшче Ришард Коменда тәкъдим иткән. Хатын-кызларны дискриминацияләүнең барлык формаларын да юк итү турында Конвенция кабул ителүгә 35 ел тулуга багышланган һәм мөселман хатын-кызларының хокуклары хакында сүз барачак конференция уздыру тәкъдимен Президент Рөстәм Миңнеханов та хуплаган.