Гиннес рекордлары китабы вәкиле Татарстанга киләчәк
15 сентябрьдә Кама елгасы причалында Гиннес рекордлары китабыннан рәсми вәкилен каршы алачаклар.
Түбән Каманың Зур Афанастагы йөк портында «Таиф-НК» авыр нефть калдыклары заводы өчен авырлыгы 1378 тонна чамасы булган гидрокрекинг реакторын бушату башланды. Аны бирегә кайтару өчен җаваплы оешма Лондон штаб-квартирасына рекордны теркәүгә заявка биргән. Рекорд елга транспорты белән иң авыр йөкне ташудан гыйбарәт.