Зәйдә терлекчелек комплексларын төзекләндерү дәвам итә
Зәй районы агрофирмалары терлекчелек комплексларында республика программасы буенча капиталь төзекләндерү эшләре дәвам итә. Кызу темплар белән эш “Нива” ҖЧШ, Сәвәләй, Куш Елга, Әхмәт фермаларында бара. Ә силос-сенаж траншеяларын төзү эше Дүрт Мунча, Поручик, Сәвәләй авыллары территорияләрендә үткәрелә. Бу көннәрдә генә Куш Елга һәм Дүрт Мунчада “Агрокөч-Төркем” ҖЧШ генераль директоры Фәнис Таҗетдинов булып китте. Ул төзелеш-төзекләндерү эшләре барышын күзәтеп, алга таба бу юнәлештә бурычлар билгеләде. Тагын 200 баш бозаулар өчен яңа бина тәзү һәм Дүрт Мунчада өстәмә рәвештә силиос-сенаж траншеясы ясау ихтималы булу ассызыкланды.