Қар, тұман, көктайғақ: демалыс күндері Астана мен Алматыда ауа райы қандай болады?

Алдағы үш күнде Астана мен Алматыда ауа райы айтарлықтай өзгеше болады. Елордада қар жауып, көктайғақ болады деп болжанады. Алматыда демалыс күндері жауын-шашынсыз басталады, бірақ жексенбіде түстен кейін жаңбыр жауады, деп хабарлайды Tengrinews.kz Қазгидрометке сілтеме жасап.

Астанада қар жауып, көктайғақ болады

Жұма, 13 қарашада күн алабұлтты, аздаған қар жауады. Түнде ауа температурасы 1–3 градус аяз, күндіз 0-ден +2 градус болады.

14 қарашада күндіз жаңбыр мен қар жауып, көктайғақ болады деп болжанады. Түнде температура 2–4 градус аяз, күндіз 0…+2 градус болады. Жел оңтүстік-батыстан соғып, жылдамдығы секундына 7–12 метрге жетеді.

Жексенбі, 15 қарашада түнде және таңертең қар жауады деп болжанады. Осы уақытта көктайғақ пен тұман болуы мүмкін. Түнде температура 3–5 градус аяз, күндіз 0-ден +2 градус болады.

Алматыда демалыс күндері жауын-шашынсыз басталады

Жұма мен сенбі, 13 және 14 қарашада күн алабұлтты болады, жауын-шашын болжанбайды. Жұмада түнде және таңертең тұман түсуі мүмкін. Түнде ауа температурасы 2–5 градус аяз, күндіз ауа +5…+7 градус болады.

15 қарашада күндіз жаңбыр жауады деп болжанады. Түнде температура 3–5 градус аяз, күндіз +5…+7 градус болады. Солтүстік-шығыстан соғатын желдің жылдамдығы секундына 3–8 метр, күндіз екпіні 13 метрге дейін жетуі мүмкін.

Қазақстанда 15 градус аяз болады

Бұған дейін синоптиктер Қазақстанның жекелеген өңірлерінде алдағы күндері күн күрт суытатынын айтқан болатын. Түнде еліміздің солтүстігінде, орталығында және шығысында ауа температурасы -15 градусқа дейін төмендейді. Ал кейбір облыстарда күндіз +17 градусқа дейін жылы болады.

Тағы оқыңыз: Алматыда күн жылынады, Астанада -7 градусқа дейін аяз болады: 10 күнге арналған болжам