Энрике Иглесиас концерті: Астанада қай жолдар жабылады?

3 қыркүйек күні сағат 20:00-де Астанада әнші Enrique Iglesias-тың концерті өтеді, деп хабарлайды Tengri Auto елорда әкімдігінің ресми сайтына сілтеме жасап.
Осыған байланысты "Астана Арена" стадионының маңында көлік қозғалысы шектеледі.
Шектеулер Марко Поло көшесі бойындағы "Алау" мұз айдыны және Месроп Маштоц көшесі бойындағы "Сарыарқа" велотрегі жағынан енгізіледі. Бұл шаралар қауіпсіздікті қамтамасыз етуге және көрермендер қозғалысын ұйымдастыруға бағытталған.
Фото: Астана әкімдігі
Концерт қонақтары үшін арнайы шаттл-бастар іске қосылады. Сағат 16:00-ден бастап олар қаланың төрт тұрақ аймағынан стадионға дейін қатынайды.
Автокөлікті мына тұрақтарға қалдыруға болады:

Столичный циркінің маңында;"Әзірет Сұлтан" мешітінің маңында;Қажымұқан көшесіндегі "Қазақстан" спорт кешенінің маңында;"Нұр Сұлтан" мешітінің (Бас мешіт) маңында.

Концерт аяқталған соң шаттл-бастар көрермендерді осы тұрақтарға қайта жеткізеді.
Астанада қазір қай жолдар жабық?

1-10 қыркүйек аралығында Тілендиев даңғылының бойымен - Көктал көшесінен Мәскеу көшесіне дейінгі учаскеде көлік қозғалысы ішінара шектеледі.15 тамыздан жыл соңына дейін Алматы көшесі бойымен - Түркістан көшесінен Мәңгілік Ел даңғылына дейін қозғалыс толығымен тоқтатылған.