Дөңгелек жарылып, қозғалтқыш өшіп қалса: Қазақстан тасжолдарында қалай көмек алуға болады?

Астана – Аршалы және Астана – Теміртау тасжолдарында жүргізушілерге техникалық көмек көрсететін пикаптар пайда болды, деп хабарлайды Tengri Auto.

"ҚазАвтоЖолдың" хабарлауынша, республикалық тасжолдарда төтенше жағдайға тап болған жүргізушілерге көмек көрсету сервисі пилоттық режимде іске қосылды.

Мамандар дөңгелек зақымдалғанда немесе оның желі шығып кеткенде, автомобильде техникалық ақау шыққанда, сүйрету қажет болғанда және жүргізуші жолын өз бетінше жалғастыра алмайтын басқа да жағдайларда тегін көмек көрсетеді.

Шақырту үшін "ҚазАвтоЖолдың" байланыс орталығына хабарласып, операторға орналасқан жері мен ақаудың түрін айту қажет.

Мамандар келгенге дейін жүргізушілерге мүмкіндігінше көлікті жол жиегіне шығарып, апаттық сигналды қосу және қауіпсіздік шараларын сақтау ұсынылады.