Татарстанда чит ил студентлары өчен рус һәм татар теленнән олимпиадалар узачак

Татарстанда май ахырына кадәр чит ил студентлары өчен рус һәм татар теленнән олимпиадалар узачак. «ТР Студентлар лигасы» президенты Шамил Якупов «Татар-информ» агентлыгына шулай дип белдерде.

«Чит ил студентларын тагын да нәтиҗәлерәк адаптацияләү максатыннан татар һәм рус теленнән олимпиадалар үткәрәчәкбез. Шул рәвешле, тел барьерының йогынтысын киметәчәкбез. 1 меңгә якын кеше катнашыр дип көтелә», - диде агентлык әңгәмәдәше.

Моннан тыш, Татарстанда чит ил студентлары өчен Студентлар язының тиңдәше булган Global fest узачак, дип өстәде Якупов.