Сергей Милинкович-Савич яна А Серия грандини қизиқтирмоқда

Сўнгги миш-мишларга кўра, «Ал-Ҳилол» ярим ҳимоячиси Сергей Милинкович-Савич яна Италия А Сериясига қайтиши мумкин. Бу ҳақда euro-football.ru хабар беради.

Журналист Экрем Конур хабар беришича, марказий чизиқни кучайтириш устида ишлаётган «Милан» сербиялик футболчини ўз кузатув рўйхатига киритган. Бироқ асосий тўсиқ ўзгармаяпти: Милинкович-Савичнинг маоши жуда юқори — у ҳозир йилига тахминан 20 млн евро олади, шартномаси эса 2028 йилгача мўлжалланган.

Милинкович-Савич 2023 йилдан бери Саудия Арабистонида тўп сурмоқда. Европани тарк этишидан аввал у саккиз йил давомида Римнинг «Латсио» жамоаси сафида ўйнаган. Февраль ойида собиқ «бьянкочелести» юлдузи 31 ёшни қарши олди.