Гальярдо кўз ёш билан хайрлашди: «Ривер»дан кетиш йўқ

Марсело Гальярдо мураббий сифатидаги сўнгги учрашувини ўтказди: унинг жамоаси «Банфилд»га қарши баҳсда 3:1 ҳисобида зафар қучиб, кетма-кет уч мағлубиятдан иборат нохуш серияга нуқта қўйди. Айнан шу омадсиз юриш Гальярдонинг лавозимини хавф остига қўйган бўлса-да, клуб унга чиройли тарзда хайрлашиш имконини берди. Бу ҳақда euro-football.ru хабар беради.

Учрашувдан кейин ҳиссиётларини яширмаган мутахассис мухлисларга миннатдорлик билдирди: «Ҳаммага шунчаки раҳмат. Сизларнинг меҳрингизни сўз билан ифодалаш қийин. Мен бутунлай кетмаяпман. «Ривер»дан ҳеч ким абадий кетмайди. Бу сеҳрли жой: кетсанг ҳам, барибир клуб билан қоласан», — деди Гальярдо кўз ёшларини артаркан.

Эслатиб ўтамиз, Марсело Гальярдо 1990-йилларда «Ривер Плейт» сафида тўп сурган ва Аргентина терма жамоасида ҳам ўйнаган.