Жерар Мартин «Реал»га ўтмайман деб қатъий айтди
«Барселона» ҳимоячиси Жерар Мартин мадридлик «Реал»дан тушиши мумкин бўлган таклиф ҳақида фикр билдирди. Бу ҳақда euro-football.ru хабар беради.
Футболчининг айтишича, у «Реал» билан шартнома имзолашни хоҳламайди: «Пулга сотиб олиб бўлмайдиган нарсалар бор. Бу ерда ўзимни жуда яхши ҳис қилаяпман ва кетишни режалаштираётганим йўқ», — деди Мартин TV3 телеканалига.
Мартин «Барселона»га 2023 йилда келиб қўшилган. Жорий мавсумда 23 ёшли ҳимоячи барча мусобақаларда 34 та ўйинда майдонга тушди, бироқ гол ёки ассист билан ажралиб турмади.
Испаниялик футболчининг каталонияликлар билан амалдаги шартномаси 2028 йилнинг ўрталаригача мўлжалланган. Transfermarkt маълумотига кўра, унинг бозор қиймати 20 миллион еврони ташкил этади.