Слуцкий бошқарувидаги «Шанхай» Осиё Чемпионлар лигасида ютқазди

«Шанхай Шенхуа» Осиё Чемпионлар лигасида етти турдан кейин плей-оффга чиқиш имкониятини бой берганди. 8-турда Леонид Слуцкий жамоаси «Бурирам Юнайтед»га қарши учрашувда турнир билан хайрлашишдан аввал ижобий натижа қайд этишга уриниб кўрди, бироқ бунга эриша олмади. Бу ҳақда euro-football.ru хабар беради.

Учрашув 0:2 ҳисобида тайликлар фойдасига ҳал бўлди. «Бурирам Юнайтед» биринчи бўлимнинг дастлабки дақиқаларидаёқ икки бор дарвозани ишғол қилди: 11-дақиқада Гуд Кертис, 22-дақиқада эса Муэанта Супханат гол муаллифига айланди. Кўп ўтмай «Шанхай Шенхуа» бир футболчисидан айрилиб, кам сонли таркибда қолганидан сўнг ўйин интригасиз давом этди.

Қайд этилишича, Леонид Слуцкийнинг «Шанхай Шенхуа» билан амалдаги шартномаси 2027 йил охиригача мўлжалланган.