Роналду навбатдаги ўйинда майдонга қайтишга қарор қилди

“Ан-Наср” ҳужумчиси Криштиану Роналду яқинлашиб келаётган учрашувда жамоасига ёрдам беради. Бу ҳақда euro-football.ru хабар беради.

41 ёшли португалиялик юлдуз Саудия Арабистони чемпионатидаги жамоасининг сўнгги икки ўйинида майдонга тушмаган эди. Журналист Фабритсио Романонинг хабарига кўра, Роналду “Ал-Фатех”га қарши шанба кунги баҳсда ўйнашга тайёр. Ҳужумчи жамоа билан бирга учрашув бўлиб ўтадиган Ал-Ҳасага аллақачон етиб борган.

Ўйин 22:30 да (Тошкент вақти билан) старт олади. Ҳозирда “Ан-Наср” Саудия лигаси турнир жадвалида учинчи ўринда бормоқда.