«Ал-Ҳилал» Нунесни четлатиб, Бенземани рўйхатга киритди

Уругвайлик ҳужумчи Дарвин Нунес мавсумнинг қолган қисмида Арабистон чемпионатида майдонга тушмайди. «Ал-Ҳилал»нинг италиялик бош мураббийи уни ички лига учун аризадан чиқариб, жамоага янги қўшилган Карим Бенземага жой бўшатди. Шунга қарамай, Нунес Осиё Чемпионлар лигаси учрашувлари учун қайдномада қолдирилди. Бу ҳақда euro-football.ru хабар беради.

Эслатиб ўтамиз, Нунес аввалроқ Испаниянинг «Алмерия», Португалиянинг «Бенфика» ҳамда Англиянинг «Ливерпул» клубларида тўп сурган. У 2019 йилдан буён Уругвай терма жамоасига жалб этилади ва ҳозиргача миллий жамоа сафида 13 та гол урган. Шунингдек, Қатар мезбонлик қилган 2022 йилги жаҳон чемпионатида ҳам иштирок этган.