Буффон Пио Эспозитони Италия футболининг асосий умиди деб атади

Туриннинг “Ювентус” клуби ва Италия терма жамоасининг собиқ дарвозабони Жанлуижи Буффон ҳозирги пайтда энг истиқболли италиялик футболчи кимлигини айтди. Унинг фикрича, бу — “Интер” таркибида тўп сураётган Пио Эспозито. Бу ҳақда euro-football.ru хабар беради.

Буффон Эспозитонинг яқин келажакда катта саҳнада, жумладан жаҳон чемпионатида ҳам ўзини ёрқин кўрсатишига умид қилаётганини таъкидлади.

“Мен Эспозитони шахсан кузатганман ва у менда жуда катта таассурот қолдирди. У камтар, профессионаллиги юқори, мотивацияга тўла ва иштиёқ билан ўйнайди. Ҳеч иккиланмай уни жаҳон чемпионатига Италия терма жамоаси таркибига олган бўлардим”, — деб Буффоннинг сўзларини calcionapoli1926.it келтирди.

Эслатиб ўтамиз, ҳозирда Миланнинг “Интер” жамоаси Италия чемпионати турнир жадвалида пешқадамлик қилмоқда.