Алонсо ПСЖда Сафоновни нега қадрлашларини айтди

ПСЖнинг собиқ дарвозабони Жером Алонсо парижликлар россиялик голкипер Матвей Сафоновга жамоа ичида қандай муносабатда эканини гапириб берди. Бу ҳақда euro-football.ru хабар беради.

Алонсонинг таъкидлашича, у эшитган маълумотларга кўра, Сафоновни жамоада жуда яхши кўришади. У Доннарумма жамоада бўлган даврда ҳам тинмай меҳнат қилгани, интизом ва қатъият билан ишлагани учун ҳурмат қозонган. Алонсо сўзларини “Спорт-Экспресс” нашри келтиради.

Жорий мавсумда Франция Лига 1 мусобақасида 26 ёшли дарвозабон 4 та учрашувда майдонга тушиб, 3 та гол ўтказиб юборди.

Сафонов 2024 йил ёзида “Краснодар”дан ПСЖга кўчиб ўтганди. Томонлар ўртасидаги шартнома 2029 йил июнь ойи охиригача амал қилади. Голкипернинг бозор қиймати 15 миллион еврога баҳоланмоқда.