Слуцкий жамоаси Осиё Чемпионлар лигасида яна мағлуб бўлди

Леонид Слуцкий бошқарувидаги “Шанхай Шэньхуа” Осиё Чемпионлар лигасининг умумий босқич 6-турида навбатдаги омадсиз учрашувни ўтказди. Хитой клуби сафарда Япониянинг “Хиросима” жамоасига 0:1 ҳисобида ютқазиб, бу турда ҳам очкосиз қолди. Бу ҳақда euro-football.ru хабар беради.

Баҳс тақдирини 78-дақиқада киритилган гол ҳал қилди: мезбонлар сафида ҳимоячи Хаято Араки аниқ зарба билан ҳисобни очди. Шу тариқа “Шанхай Шэньхуа” учун ушбу мусобақадаги мағлубиятлар серияси учта ўйинга етди.

Олти турдан кейин Слуцкий жамоаси 4 очко билан жадвалда 11-ўринда бормоқда. “Хиросима” эса 11 очко жамғарган ҳолда турнир жадвалининг 3-поғонасида жойлашган.